Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 489 Hüküm no: 655 Orijinal metin no: [85b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kostantin v. Yani’ye bogası ve astar bedellerinden borcu olan Todari v. Hürmüz’e borcunu ödemesi için yapılan tenbih Ma‘rûz Muhzır es-Seyyid Osman mübâşeretiyle Bâb Mahkemesi’ne ihzâr olunan Kostantin v. Yani nâm zimmînin hasmı Todori v. Hürmüz zimmî meclis-i şer‘de mesfûr Kostantin zimmî muvâcehesinde mesfûr Kostantin bundan akdem yedimden iştirâ ve kabz eylediği beynimizde ma‘lûmü’l-aded bogası ve astar semenlerinden zimmetinde müctemi‘ olan elli guruş hakkımı mesfûr Kostantin zimmîden taleb ederim deyü da‘vâ eyledikde mesfûr Kostantin dahi vech-i muharrer üzere müdde‘î-i merkūm Todori zimmîye zimmetinde elli guruş deyni olduğunu ikrâr ve i‘tirâf etmeğin alâ-mûceb-i i‘tirâfihî meblağ-ı mezkûr elli guruşu müdde‘î-i merkūm Todori’ye edâ ve teslîme mesfûr Kostantin zimmîye tenbîh olunduğu huzûr-ı âlîlerine i‘lâm olundu. Fî 8 min-Rebî‘ülâhir sene 1163