Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 495 Hüküm no: 665 Orijinal metin no: [86b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Habbaz Ahmed Çelebi b. Hüseyin’in Bogos v. Markar’da olan alacağını kefili kayın validesi Aksebet v. Sogomon’un ödemesine yapılan tenbih Ma‘rûz Şahsı ta‘rîf-i şer‘î ile mu‘arrefe olup Muhzır es-Seyyid Mehmed mübâşeretiyle Bâb Mahkemesi’ne ihzâr olunan Aksebet bt. Sogomon nâm Nasrâniye’nin hasmı Habbâz Ahmed Çelebi b. Hüseyin meclis-i şer‘de merkūme Aksebet Nasrâniye muvâcehesinde merkūme Aksebet Nasrâniye’nin güveyisi işbu hazır bi’l-meclis Bogos v. Markar nâm zimmî zimmetinde cihet-i karz-ı şer‘îden bâ-temessük yüz guruş hakkıma merkūme Aksebet Nasrâniye bi’l-emr ve’l-kabûl kefâlet-i sahîha-i şer‘iye ile kefîl bi’l-mâl olmuşidi hâlâ meblağ-ı merkūme Aksebet Nasrâniye’den bi-hükmi’l-kefâle taleb ederim deyü ba‘de’d-da‘vâ ve’l-inkâr müdde‘î-i mezbûr müdde‘âsını Mehmed Ârif Efendi b. Hidayetullah ve Bakkāl İsmail b. Musa ve Berber İsmail Çelebi b. Abdullah nâm kimesneler şehâdetleriyle merkūme Aksebet Nasrâniye muvâcehesinde vech-i şer‘î üzere ba‘de’l-isbât şâhidûn-ı mezbûrûn tezkiye esnâsında iken merkūme Aksebet Nasrâniye dahi kefâlet-i mezkûresini mukırre ve mu‘terife olmağın mûcebince meblağ-ı mezkûr yüz guruşu bi-hükmi’l-kefâle müdde‘î-i mezbûr Habbâz Ahmed Çelebi’ye edâ ve teslîme merkūme Aksebet Nasrâniye’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 11 Rebî‘ülâhir sene 1163