Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 498 Hüküm no: 669 Orijinal metin no: [87a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çukadar Yusuf b. Ahmed’in Petro v. Bali’ye olan borcunu ödemesi için yapılan tenbih Ma‘rûz Sahib-i arzuhâl Petro zimmî v. Bali meclis-i şer‘de Çukadâr Yusuf b. Ahmed ile terâfu‘larında mezbûrun cihet-i karzdan zimmetinde bâ-temessük seksen beş guruş hakkım olmağla taleb ederim deyü ba‘de’d-da‘vâ ve’s-suâl merkūm Çukadâr Yusuf meblağ-ı mezkûrdan kırk guruşu müdde‘î-i mesfûra cihet-i karzdan deynim olup bâkī kırk beş guruşu bilâ-devr ribhdir deyü eylediği def‘i beyâna kādir olmayıp istihlâf etmekle mesfûr Petro zimmî gıbbe’t-tahlîfi’ş-şer‘î meblağ-ı mezkûr seksen beş guruşu müdde‘î-i mesfûr Petro zimmîye tamamen edâ ve teslîme merkūm Çukadâr Yusuf’a tenbîh-i şer‘î olunduğu Mahkeme-i Bâb’dan huzûr-ı âlîlerine i‘lâm olundu. Fî 14 Rebî‘ülâhir sene 1163