Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 504 Hüküm no: 679 Orijinal metin no: [88b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yahudi Hanna bt. Yuda’nın İslamiyeti kabul edip Zeyneb ismini aldıktan sonra küçük oğluna da Mehmed ismi verilip annesine teslim etmesi için boşandıkları kocası David’e tenbih edildiği Ma‘rûz Mahmiye-i İstanbul hısnı ebvâbından Balatkapısı dâhilinde Hızır Çavuş mahallesi mütemekkinelerinden Hanna bt. Yuda nâm Yahûdiye târih-i i‘lâm günü ityân-ı kelimeteyn-i şehâdeteyni ile edyân-ı bâtıladan teberrî edip şeref-i İslâm ile müşerrefe olmağla ismi Zeyneb tesmiye olundukdan sonra zevci olan David v. Danyel meclis-i şer‘de İslâm arz olundukda İslâm’dan ibâ ve imtinâ‘ etmekle beynleri tefrîk olunup ve üç yaşında olan sagīr oğlu anasına tebe‘iyyet ile Müslim ismi Mehmed tesmiye olunmağla anası Zeyneb’e getirip teslîme babası merkūm David Yahûdî’ye tenbîh-i ekîd olundukda babası merkūm David dahi sagīr-i mezbûr hâlâ menzilinde olduğunu ba‘de’l-ikrâr teslîme ta‘ahhüd eylediği huzûr-ı âlîlerine i‘lâm olundu ma‘lûm-ı âsafâneleri buyruldukda emr ü fermân hazret-i veliyyü’l-emrindir. Fî 16 Rebî‘ülâhir sene 1163