Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 505 Hüküm no: 680 Orijinal metin no: [88b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Abdullah’ın hizmetini gördüğü Emine bt. Osman’daki hizmet bedelinin ödenmesi talebiyle açtığı davada sulh olup birbirlerinin zimmetlerini ibra ettikleri Ma‘rûz Mahmiye-i İstanbul’da Ayasofya-i Kebîr mahallesi sâkinelerinden ve zâtı ta‘rîf-i şer‘î ile mu‘arrefe olan sahibe-i arzuhâl Âişe bt. Abdullah nâm hatun meclis-i şer‘de hasmı Emine bt. Osman muvâcehesinde ben ücret ile hizmet eder makūlesinden olup mezbûre Emine Hatun’a târih-i i‘lâmdan on sene mukaddem derûn-ı arzuhâlde zikrolunduğu üzere beher yevm onar para ücret kavliyle mezbûreye dört sene hizmet etmemle müddet-i merkūmede müctemi‘ olan üç yüz altmış guruş ücretimi mezbûre Emine Hatun’dan taleb ve da‘vâ sadedinde iken bâ-vesâtet-i muslihîn mezbûre Emine ile yirmi guruş bedel-i sulh olup eylediğim hizmetimin ücreti husûsuna ve târih-i i‘lâma gelince sâire müte‘allika âmme-i da‘vâdan mezbûre Emine Hatun’un zimmetini ibrâ ve ıskāt eylediğimde mezbûre Emine Hatun dahi beher mâh birer guruş menzil icâresinden dört senede müctemi‘ oldu deyü benden <> iddi‘â eylediği kırk sekiz guruş icâre da‘vâsından meccânen fâriğa olup benim zimmetimi ibrâ-i âm ile ibrâ ve ıskāt etmekle kat‘-ı nizâ‘ eyledik deyü olan ikrârını mezbûre Emine dahi tasdîk eylediği Mahkeme-i Bâb’da ba‘de’t-tescîl huzûr-ı âlîlerine i‘lâm olundu. Fî 17 min-şehri Rebî‘ülâhir sene 1163