Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 512 Hüküm no: 693 Orijinal metin no: [90a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmudpaşa Hamamı tellaklarından İsmail b. Ahmed’in yine hamam tellaklarından Ahmed Beşe, Hasan Beşe ve diğerler tellaklara ait aldığı parayı iade etmesine yapılan tenbih Bâ-mühr-i hazret-i efendi Ma‘rûz Mahmudpaşa Hamamı dellâklarından Ahmed Beşe b. Abdullah ve Hasan Beşe b. Ömer ve Ahmed Beşe b. Mehmed ve diğer Ahmed Beşe b. Abdullah nâm kimesneler asâleten ve Abbas b. Mustafa ve Ebûbekir b. Ömer ve İsmail b. Ali ve Mustafa b. İbrahim ve İbrahim b. İsmail ve Hüseyin b. Osman ve diğer Ebûbekir b. Osman ve Osman b. Hüseyin ve Ahmed b. Mehmed ve Ömer b. Mustafa ve İsa b. Hasan ve İbrahim b. Mustafa ve Mehmed b. Mustafa ve Ahmed b. Abdullah ve Fazlı b. Ebûbekir ve Ahmed b. Abdullah ve Hüseyin b. Ömer ve Ahmed b. Mehmed nâm kimesneler taraflarından ber-nehc-i şer‘î sâbitü’l-vekâle vekîlleri olan mezbûr diğer Ahmed Beşe meclis-i şer‘de yine hamam-ı mezkûrda dellâk olan İsmail b. Ahmed ile terâfu‘larında bizim ve müvekkillerimiz mezbûrûnun ale’l-iştirâk malımız olan iki yüz yedi guruşumuzu işbu târih-i i‘lâm şehrinin üçüncü günü bir sandık ile hamam-ı mezkûrda bir mahâlde mahfûz iken mezbûr İsmail bi-gayr-ı hakkın ahz edip hatta târih-i mezkûrda meblağ-ı mezkûr iki yüz yedi guruşu bi-gayr-ı hakkın ahzını huzûr-ı Müslimînde ikrâr dahi etmişidi suâl olunup meblağ-ı mezkûrun alıverilmesi matlûbumuzdur deyü ba‘de’d-da‘vâ ve’s-suâl ve’l-inkâr merkūmûn müdde‘âlarını lede’t-tezkiye adâletleri zâhir olan el-Hâc Musa b. el-Hâc Mustafa ve Yağlıkcı Salih Ağa b. Mustafa şehâdetleriyle mezbûr İsmail muvâcehesinde vech-i şer‘î üzere isbât etmeğin mûcebince meblağ-ı mezkûr iki yüz yedi guruşu merkūmûna tamamen edâ ve teslîme mezbûr İsmail’e tenbîh-i şer‘î olunduğu huzûr-ı âlîlerine i‘lâm olundu. Fî 25 Rebî‘ülâhir sene 1163