Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 513 Hüküm no: 695 Orijinal metin no: [90a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüma bt. Anber’in sâbık damadı Fincancı Ahmed b. Satılmış’da olan alacağının ödenmesi için yapılan tenbih Ma‘rûz Mahmiye-i İstanbul’da Beyceğiz mahallesinde sâkine ve zâtı ta‘rîf-i şer‘î ile mu‘arrefe olan Hümâ bt. Anber nâm hatun Bâb Mahkemesi’nde meclis-i şer‘-i envere ihzâr olunan sâbıkā dâmadı Fincâncı Ahmed b. Satılmış nâm kimesne muvâcehesinde mezbûr Ahmed zimmetinde cihet-i karzdan otuz dört guruş hakkım olmağla meblağ-ı merkūmu mezbûr Ahmed’den taleb ederim deyü da‘vâ eyledikde ol dahi cevâbında fi’l-hakīka müdde‘iye-i mezbûreye cihet-i merkūmeden zimmetinde otuz dört guruş deyni olduğunu ikrâr ve i‘tirâf etmeğin alâ-mûceb-i i‘tirâfihî meblağ-ı merkūm otuz dört guruşu müdde‘iye-i mezbûre Hümâ Hatun’a edâya mezbûr Ahmed’e tenbîh olunduğu mübâşirleri Ahmed Çavuş kulları ile huzûr-ı âlîlerine i‘lâm olundu. Fî 26 Rebî‘ülâhir sene 1163