Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 517 Hüküm no: 701 Orijinal metin no: [91a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karahisar-ı Sahib kazasının Çakırözü köyünden Ayşe bt. Ali’nin, bazı hayvanlarını haksız yere aldığı iddiasıyla köylerinde zabitlik yapmış olan İsmail Ağa b. Ahmed’e açtığı davayı ispat edemediği Ma‘rûz Vilâyet-i Anadolu’da Karahisar-ı Sahib kazâsına tâbi‘ Çakırözü nâm karye ahâlîsinden olup İstanbul’da müsâfereten sâkine ve zâtı ta‘rîf-i şer‘î ile mu‘arrefe olan sahibe-i arzuhâlde Âişe bt. Ali nâm hatun meclis-i şer‘de derûn-ı arzuhâlde mezkûrü’l-ism İsmail Ağa b. Ahmed mahzarında târih-i i‘lâmdan beş sene mukaddem mezbûr İsmail Ağa karye-i mezbûrede zâbit olduğu hâlde yedimden mülküm olan yüz yirmi guruş kıymetli iki çift siyah kara sığır öküzümü ve otuz guruş kıymetli bir siyah sığır ma‘a buzağımı ve yirmi guruş kıymetli bir siyah himârımı mezbûr İsmail Ağa bi-gayr-ı hakkın fuzûlî ahz etmişidi hâlâ mevcûde ise a‘yânını müstehleke ise ba‘de’s-sübût kıymet-i şer‘iyelerini mezbûr İsmail Ağa’dan taleb ederim deyü ba‘de’d-da‘vâ ve’l-inkâr müdde‘iye-i mezbûre ber-vech-i muharrer müdde‘âsını beyâna kādire olamayıp bi’t-taleb mezbûr İsmail Ağa ba‘de’t-tahlîfi’ş-şer‘î mûcebiyle müdde‘iye-i mezbûre Âişe Hatun bila-beyyine-i âdile bî-vech mu‘ârazadan men‘ olundu Mahkeme-i Bâb’dan huzûr-ı âlîlerine i‘lâm [olundu.] Fî 28 Rebî‘ülâhir sene 1163