Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 517 Hüküm no: 702 Orijinal metin no: [91a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saltana bt. Ariton’un haksız yere bazı eşyalarını ve paralarını aldığı iddiasıyla boşandığı kocası Avanis v. Bogos’a açtığı davayı ispat edemediği Ma‘rûz Şahsı ta‘rîf-i şer‘î ile mu‘arrefe olan derûn-ı arzuhâlde mezkûre[tü]’l-ism Saltana bt. Ariton nâm Nasrâniye meclis-i şer‘de zevc-i sâbıkı sahib-i arzuhâl Avanis v. Bogos nâm zimmî muvâcehesinde bundan akdem mesfûr Avanis zevcim olduğu hâlde kendiye karz olmak üzere verdiğim elli guruş ile sandığım derûnundan altı yüz guruş kıymetli eşyâ-i ma‘lûmemi ve yirmi bir zer-i mahbûb altınımı bi-gayr-ı hakkın hufyeten ahz etmişidi hâlâ meblağayn-ı mezkûreyn ile eşyâ-i mezkûrelerimin aynıları mevcûde ise a‘yânını müstehleke ise ba‘de’s-sübût kıymet-i şer‘iyelerini mesfûr Avanis zimmîden taleb ederim deyü ba‘de’d-da‘vâ ve’l-inkâr müdde‘iye-i merkūme ber-vech-i muharrer müdde‘âsını bir vechile beyâna kādire olmayıp talebiyle mesfûr Avanis zimmîye vech-i şer‘î üzere yemîn verilmeğin mûcebince müdde‘iye-i merkūme Sultana Nasrâniye bilâ-beyyine bî-vech mu‘ârazadan men‘ olunduğu Mahkeme-i Bâb’dan huzûr-ı âlîlerine i‘lâm olundu. Fî 28 Rebî‘ülâhir sene 1163