Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 518 Hüküm no: 704 Orijinal metin no: [91a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manav Alemdar Ali Beşe b. Hacı Ebubekir’in, Hasan Yazıcı b. Abdullah’dan satın aldığı çeşitli aletlerin satışının iptali talebiyle açtığı davada sulh olduğu Ma‘rûz Manav tâifesinden sahib-i arzuhâl Alemdâr Ali Beşe b. el-Hâc Ebûbekir meclis-i şer‘de Dergâh-ı âlî cebecileri çavuşlarından Ali Çavuş mübâşeretiyle meclis-i şer‘a ihzâr olunan Hasan Yazıcı b. Abdullah muvâcehesinde târih-i i‘lâmdan dört sene mukaddem İstanbul’da Cüce Çeşmesi kurbünde vâki‘ işbu hazır bi’l-meclis Asvador zimmînin zevcesi Mine nâm Nasrâniyenin menzili tahtında olan bir bâb manav dükkânında mevcûd olan iki terâzî ma‘a dirhem ve iki kantar ve altı tabla ve bir tahta piştahta ve bir mikdâr küfelerini gedik olmak üzere kırk guruş semen-i medfû‘ ve makbûza mezbûr Hasan Yazıcı bana ba‘de’l-bey‘ ve’t-tesellüm hâlâ bey‘-ı mezkûrun fesâdına binâen meblağ-ı mezbûr kırk guruşu mezbûr Hasan Yazıcı’dan taleb ederim deyü tesâddî eylediği da‘vâsından bâ-vesâtet-i muslihîn üç guruş bedel-i makbûza sulh olup husûs-ı mezkûra müte‘allika âmme-i da‘vâdan mezbûr Hasan Yazıcı’nın zimmetini ibrâ ve ıskāt eyledim deyü olan ikrârını mezbûr Hasan Yazıcı dahi tasdîk eylediği Mahkeme-i Bâb’dan huzûr-ı âlîlerine i‘lâm olundu. Fî-selhi Rebî‘ülâhir sene 1163