Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 520 Hüküm no: 707 Orijinal metin no: [91b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müslüman olan Zeyneb bt. Abdullah’ın, boşandığı kocası Yahudi David’de olan mehir bedeliyle David’in kardeşleri Mordehay ve Salamon’da olan kira alacaklarının ödenmesi için yapılan tenbih Bâ-mühr-i hazret-i efendi Ma‘rûz Sahibe-i arzuhâl şeref-i İslâm ile müşerrefe olan Zeyneb bt. Abdullah nâm mühtediyenin zevc-i dâhili olup İslâm’ı kabûlden ibâ eylediğine binâen şer‘an talâkı ile hükm ve tefrîk olunan David nâm Yahûdî zimmetinde mezbûre mühtediye Zeyneb’in yüz guruş mehr-i misli olduğu ve mesfûr David’in karındaşları Mordehay ve Salamon nâm Yahûdiler zimmetlerinde menzil icâresinden yirmi beş ayda müctemi‘ otuz yedi buçuk guruş hakkı olduğu mesfûrûn ile lede’l-mürâfa‘ati’ş-şer‘iye zâhir ve mütehakkık olmağla mesfûr David mehr-i misl-i mezkûr yüz guruşun ve mersûmân Mordehay ve Salamon’a icâre-i mezkûre otuz yedi buçuk guruşun mezbûre mühtediye Zeyneb’e tamamen edâsıyla ilzâm olundukları huzûr-ı âlîlerine i‘lâm olundu. Fî-gurreti Cemâziyelevvel sene 1163