Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 532 Hüküm no: 727 Orijinal metin no: [94a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Istıranca köyünden Mehmed bt. Osman’ın, babası Osman’ı öldürdüğü iddiasıyla Pano v. Yuvan’a açtığı davayı ispat etmesi için mühlet verildiği Ma‘rûz Havâss-ı Refî‘a kazâsına tâbi‘ Istıranca nâm karye sâkinlerinden olup bundan akdem katîlen vefât eden Osman b. ( ) nâm müteveffânın verâseti zevce-i metrûkesi Safiye bt. Mehmed nâm hatun ile sulbî kebîr oğlu derûn-ı arzuhâlde mezkûrü’l-ism Mehmed nâm kimesneye ba‘de’l-inhisâr mezbûr Mehmed meclis-i şer‘de sahib-i arzuhâl Pano v. Yuvan zimmî muvâcehesinde târih-i i‘lâmdan altı sene mukaddem karye-i mezbûre kurbünde tarîk-ı âmda nehâren mesfûr Pano zimmî refîkı gāib ani’l-meclis Yuvan nâm zimmî ile balta ile babam mezbûr Osman’ı bi-gayr-ı hakkın darb ve katletmeleriyle mûceb-i şer‘îsini mesfûr Pano zimmîden taleb ederim deyü ba‘de’d-da‘vâ ve’s-suâl mesfûr Pano zimmî cevâbında müdde‘î-i mezbûr Mehmed müteveffâ-yı mezbûrun sulbî oğlu olduğunu ikrâr lâkin ber-vech-i muharrer darb ve katlini bi’l-külliye inkâr etmeğin müdde‘î-i mezbûr Mehmed ber-vech-i muharrer müdde‘âsını vech-i şer‘î üzere isbât için târih-i i‘lâmdan on üç gün mukaddem beyâna havâle olunduğu Mahkeme-i Bâb’da zabt ve tescîl olunmuşidi imtisâlen li’l-emri’l-âlî huzûr-ı âlîlerine i‘lâm olundu. Fî 12 Cumâdelûlâ sene 1163