Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 537 Hüküm no: 735 Orijinal metin no: [95a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Mehmed ile Mehmed b. Hüseyin’in müştereken mutasarrıf oldukları vakıf evi herbiri birer yıl süre ve sıra ile kullanmak üzere anlaştıkları Ma‘rûz Zâtı ta‘rîf-i şer‘î ile mu‘arrefe olan Fâtıma bt. Mehmed nâm hatun meclis-i şer‘de Mehmed b. Hüseyin muvâcehesinde İstanbul’da Emin Nureddin mahallesinde vâki‘ merhûm el-Hâc İbrahim nâm sahibü’l-hayrın vakfı musakkafâtından ma‘lûmü’l-hudûd bir bâb vakıf menzilin nısfı benim ve nısfı âhiri mezbûr Mehmed’in ale’l-iştirâki’s-seviy bi’l-icâreteyn taht-ı tasarrufumuzda olmağla hâlâ menzil-i mezkûrda mezbûr Mehmed müstakillen sâkin olmağla menzil-i mezkûrdan nısf hissem için muhâyeeten sâkine olmak murâd eyleyip lâkin menzil-i mezkûrda muhâyeeten bi’l-mekân mümkün olmağla muhâyeeten bi’z-zaman iktizâ etmeğin mezbûr Mehmed târih-i i‘lâm senesi Cumâdelâhıre’si gurresinde menzil-i mezkûrdan hurûc ve bana teslîm edip ben dahi târih-i mezkûrdan bir sene tamamına değin menzil-i mezkûreye müstakilleten sâkine olup ba‘de tamami’l-müddet yine mezbûr Mehmed dahi bir sene sâkin olmak üzere herbirimiz muhâyee[ye] râzılar olup bu vechile <<üzre>> kat‘-ı nizâ‘ eyledik deyü olan ikrârını mezbûr Mehmed dahi tasdîk eylediği Mahkeme-i Bâb’da ba‘de’t-tescîl huzûr-ı âlîlerine i‘lâm olundu bâkī fermân men-lehu’l-emr hazretlerinindir. Fî 19 Cumâdelûlâ sene 1163