Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 539 Hüküm no: 739 Orijinal metin no: [95b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ohri’nin İzlesti köyünden Nikola v. İstiko’nun parasını alıp kendisini dövdüğü iddiasıyla Ohri Sancak Beyi Salih Bey b. Mehmed Bey’e açtığı davadan vazgeçtiği Ma‘rûz Vilâyet-i Rumeli’nde Ohri kazâsı müzâfâtından İzlesti nâm karye ahâlîsinden olup İstanbul’da müsâfiren sâkin sahib-i arzuhâl Nikola v. İstiko nâm zimmî bi’t-terâzî meclis-i şer‘de Ohri sancağı alaybeyisi Salih Bey b. Mehmed Bey tarafından zikri âtî husûsu tasdîka vekîl olduğu İsmail Beşe b. Mehmed ve Ahmed Bey b. Ali Bey şehâdetleriyle sâbit olan Hasan Beşe b. İbrahim muvâcehesinde târih-i i‘lâmdan üç sene mukaddem sıla-i rahm için karye-i mezbûreye vardığımda müvekkil-i mezbûr Salih Bey beni bi-gayr-ı hakkın ahz ve habs ve iki yüz elli değnek darb ve yetmiş guruş cerîmemi ahz ve darb-ı mezkûrdan sahib-i firâş olmamla meblağ-ı mezbûr yetmiş guruş ile darb-ı mezkûrun mûceb-i şer‘îsini müvekkil-i merkūm Salih Bey’den taleb ve da‘vâ sadedinde iken bâ-vesâtet-i muslihîn da‘vâ-yı mezkûremden meccânen fâriğ olup meblağ-ı mezbûr yetmiş guruşa ve darb-ı mezkûra müte‘allika âmme-i da‘vâdan müvekkil-i merkūm Salih Bey’in zimmetini ibrâ-i âmm-ı râfi‘u’l-hısâm ile ibrâ ve ıskāt eylediğimde ol dahi ibrâ-i mezkûru kabûl eyledi deyü olan ikrârını vekîl-i mezbûr Hasan Beşe dahi tasdîk eylediği Bâb Mahkemesi’nden huzûr-ı âlîlerine i‘lâm olundu. Fî 23 min-Ca sene 1163