Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 542 Hüküm no: 743 Orijinal metin no: [96a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Apostol’un kendisini darp eden Mihal ile sulh oldukları Ma‘rûz İşbu derûn-ı i‘lâmda mezkûrü’l-ism olan Apostol zimmî meclis-i şer‘de yine derûn-ı i‘lâmda mezkûrü’l-ism hasmı Mihal zimmî muvâcehesinde mesfûr Mihal zimmî târih-i i‘lâmdan yirmi bir gün mukaddem derûn-ı i‘lâmda zikrolunduğu vech üzere benim sağ gözüm üzerine odun ile amden darb ve kara bere etmekle mûceb-i şer‘îsini mesfûr Mihal zimmîden ba‘de’d-da‘vâ ve’l-inkâr ve’l-isbât mûceb-i şer‘îsi ber’-i tâm husûlüne tevkīf olunmuşidi el-hâletü hâzihî da‘vâ-yı mezkûremden bâ-vesâtet-i muslihîn mesfûr <> Mihal ile on beş guruş bedel-i makbûza sulh olup darb-ı mezkûra ve mâ-yuhdesü-anha müte‘allika âmme-i da‘vâdan mesfûr Mihal’in zimmetini ibrâ ve ıskāt eyledim deyü olan ikrârını mesfûr Mihal dahi tasdîk eylediği ba‘de’t-tescîl mübâşirleri Mehmed Çavuş ile Mahkeme-i Bâb’dan huzûr-ı âlîlerine i‘lâm olundu. Fî 25 Cumâdelûlâ sene 1163