Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 549 Hüküm no: 755 Orijinal metin no: [98a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arap Mehmed Said b. Abdullah’ın çeşitli eşya bedellerinden borcunu ödemesi Ma‘rûz Sipâh sûku oturakçılarından Ahmed b. Mehmed nâm kimesne meclis-i şer‘-i enver[e] Muhzır Ali mübâşeretiyle ihzâr eylediği Arab Mehmed Said b. Abdullah muvâcehesinde târih-i i‘lâmdan altı sene mukaddem mezbûr Mehmed Said mecmû‘u yüz on üç guruşa olmak üzere bi-safkatin vâhidetin yedimden iştirâ ve kabz ve istihlâk eylediğin bir hilâlî gaddâre ve bir hilâlî çabkun rahtı ve çift piştov ve bir sîmli filinta tüfengi ve bir kat mükemmel çamaşur ve bir kaliçe seccâde ve iki çuka şalvar ve iki şilte ve bir Yatağan bıçağı kıymetlerinden altmış bir guruşunu benden ahz u kabz edip elli iki guruşu mezbûr Mehmed Said’in zimmetinde kalmağla meblağ-ı bâkī-i mezbûru taleb ederim deyü da‘vâ eyledikde ol dahi târih-i mezkûrda eşyâ-i muharrere-i merkūmeyi kabzını mu‘terif olduğu için altmış bir guruşa iştirâ eyledim deyü ziyâde kıymetini inkâr edicek müdde‘î-i merkūm ber-vech-i muharrer ziyâde müdde‘âsını lede’t-tezkiye şehâdetleri makbûl olan es-Seyyid Mehmed b. Ali ve Mehmed b. Hasan şehâdetleriyle mezbûr Mehmed Said muvâcehesinde ber-vech-i şer‘î isbât etmeğin mûcebince meblağ-ı bâkī-i mezbûr elli iki guruşu müdde‘î-i merkūm Ahmed’e edâya mezbûr Mehmed Said’e tenbîh olunduğu Mahkeme-i Bâb’dan huzûr-ı âlîlerine i‘lâm olundu emr [ü] fermân hazret-i veliyyü’l-emrindir. Fî 4 C sene 1163