Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 556 Hüküm no: 766 Orijinal metin no: [100a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sekbanbaşı İbrahim Ağa mahallesi ahalisinin hal ve hareketlerinden şikayetçi oldukları Abdullah b. Mustafa’nın on gün içinde başka mahalleye taşınma sözü verdiği Ma‘rûz İstanbul’da Kırkçeşme kurbünde Sekbânbaşı İbrahim Ağa mahallesi imâmı Mehmed Efendi ve müezzini Molla Mustafa ve ahâlîsinden Mustafa Efendi ve Halil Efendi ve el-Hâc Ali ve Mehmed Çelebi ve diğer Mehmed ve Hasan Çelebi ve Ali Çelebi ve diğer Mehmed Çelebi nâm kimesneler meclis-i şer‘de mahalle-i mezbûre ahâlîsinden olup Mumcu Mehmed Beşe mübâşeretiyle ihzâr-ı şer‘ ettirdikleri Abdurrahman b. Mustafa muvâcehesinde mezbûr Abdurrahman lisânını hıfz etmeyip dâimâ cümlemize hilâf-ı şer‘-i şerîf lafızla itâle ve ta‘cîzden hâlî olmayıp bir vechile kendiden emn ü rahatımız yokdur deyü her[biri] ba‘de’t-teşekkî mezbûr Abdurrahman dahi on güne değin mahalle-i mezbûreden âhar mahalleye nakle ta‘ahhüd eyleyip bu vechile kat‘-ı nizâ‘ eyledikleri Mahkeme-i Bâb’dan mübâşirleri mezbûr iltimâsıyla huzûr-ı âlîlerine i‘lâm olundu. Fî 13 Cemâziyelâhir sene 1163