Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 57 Hüküm no: 4 Orijinal metin no: [2a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Düğmeci Mehmed’in kardeşi Hasan’dan alacaklı olduğu yolundaki iddiasını ispatlayamadığı Ma‘rûz Düğmeci esnâfından Mehmed b. Mehmed nâm kimesne İstanbul Bâb Mahkemesi’nde meclis-i şer‘-i hatîrde li-ebin er karındaşı Hasan nâm kimesne muvâcehesinde ben bundan akdem merkūmun bi-şartı’r-rücû‘ emriyle zevcesi olup gāibetü ani’l-meclis Âişe nâm hatuna mâlımdan ve yedimden iki yüz otuz guruş vermemle meblağ-ı mezkûru karındaşım merkūmdan emr-i mezkûruna binâen hâlâ taleb ederim deyü da‘vâ ettikde ol dahi cevâbında külliyen inkâr etmekle müdde‘î-i merkūm Mehmed ber-minvâl-i muharrer müdde‘âsına ikāmet-i beyyine edemeyip bi’t-taleb merkūm Hasan bi’l-muvâcehe vech-i şer‘î [üzere] tahlîf olunmağın mûcebince müdde‘î-i merkūm Mehmed da‘vâ-yı mezkûresiyle karındaşı merkūm Hasan’a bilâ-beyyine mu‘ârazadan men‘ olunduğu mübâşirleri Bâb-ı Seraskerî kavaslarından Üsküdarlı Osman Kavas kulları yediyle huzûr[-ı âlîlerine i‘lâm olundu] Fî-gurreti Receb sene [12]55