Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 58 Hüküm no: 6 Orijinal metin no: [2a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kiyork’un Osman’a olan borcunu ödemesi 340 guruşa hüküm Ma‘rûz Mellâh tâifesinden Akçaşehirli Osman b. Hüseyin İstanbul Bâb Mahkemesi’nde meclis-i şer‘de Keresteci Kiyork v. Karabet nâm zimmî muvâcehesinde mersûmun zimmetinde bundan akdem mâlımdan ve yedimden iştir[â] ve kabz eylediği ma‘lûmü’l-ecnâs ve’l-fiyat kereste semeninden gayr-ı ez teslîmât sahhu’l-bâkī üç yüz kırk guruş alacak hakkım olmağla meblağ-ı bâkī-i mezkûru zimmî-i mersûmdan hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr üç yüz kırk guruşun müdde‘î-i mezbûr Osman’a edâsıyla mesfûr Kiyork zimmî ilzâm olunduğu mübâşirleri Bâb-ı Seraskerî kavaslarından Simkeş Kavas kulları yediyle huzûr[-ı âlîlerine i‘lâm olundu] Fî 9 Receb sene [12]55