Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 58 Hüküm no: 7 Orijinal metin no: [2a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuyumcu Artin’in kıymetli eşyalarını iade etmediği iddiasıyla Kirhor aleyhine açtığı davanın geçersiz olduğu 140 guruşa men Ma‘rûz Kuyumcu Artin v. Markar nâm zimmî İstanbul Bâb Mahkemesi’nde meclis-i şer‘-i hatîrde Kirhor v. Ohannes nâm zimmî muvâcehesinde bundan akdem mâlımdan mecmû‘u bin dört yüz guruş kıymetli bir kehribâ imâme ve bir basma sâ‘at ve bir fermâyiş şalımı mersûm Kirhor zimmî yedine li-ecli’l-hıfz îdâ‘ ve teslîm eylediğimde ol dahi yedimden ahz u kabz ve bana vermeyip yedinde kalmağla eşyâ-i muharrere-i mezkûre mevcûde ise aynlarını müstehleke ise ba‘de’s-sübût kıymet-i mezkûreleri olan bin dört yüz guruşu zimmî-i mersûmdan tazmîn taleb ederim deyü da‘vâ ettikde ol dahi cevâbında külliyen inkâr etmekle müdde‘î-i merkūm ber-vech-i muharrer müdde‘âsına ikāmet-i beyyine edemeyip tahlîfe dahi tâlib olmamağın mûcebince müdde‘î-i mersûm Artin zimmî da‘vâ-yı mezkûresiyle mesfûr Kirhor zimmî[ye] mu‘ârazadan bilâ-beyyine men‘ olunduğu mübâşirleri Bâb-ı Seraskerî kavaslarından Hasan Kavas kulları yediyle huzûr[-ı âlîlerine i‘lâm olundu] Fî 8 Receb sene [12]55