Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 59 Hüküm no: 9 Orijinal metin no: [2a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’in rehin aldığı kazanı sahibine iadesi Kazganı aynen teslîme tenbîh Ma‘rûz Bâ‘isü’l-i‘lâm Abdullah b. Ahmed nâm kimesne İstanbul Bâb Mahkemesi’nde meclis-i şer‘de Mehmed b. Hüseyin nâm kimesne muvâcehesinde ben bundan akdem merkūmun mâlından ve yedinden iktirâz ve kabz ve umûruma sarfla istihlâk eylediğim altmış iki guruş deynim mukābelesinde mâlımdan iki yüz guruş kıymetli bir câmeşûy kazganımı yedine rehin vaz‘ u teslîm etmişidim el-hâletü hâzihî deynim olan meblağ-ı mezkûr altmış iki guruşu bundan akdem mezbûra edâ ve teslîm edip lâkin rehn-i mezkûru bana vermeyip aynen yedinde mevcûd olmağla zikr olunan kazganı bana teslîme merkūm Mehmed’e tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i meşrûh üzere olduğunu ikrâr ü i‘tirâf etmeğin mûcebince mârrü’l-beyân kazganı aynen müdde‘î-i merkūma teslîme mezbûr Mehmed’e tenbîh olunduğu huzûr[-ı âlîlerine i‘lâm olundu] Fî 2 Receb sene [12]55