Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 61 Hüküm no: 13 Orijinal metin no: [2b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’in karısına olan mihir borcunu ödemesi 700 guruş mu‘accel hüküm Ma‘rûz Derûn-ı arzuhâlde mezkûretü’l-ism mu‘arrefetü’z-zât Fâtımatüzzehrâ bt. Mehmed Ali nâm hatun İstanbul Bâb Mahkemesi’nde meclis-i şer‘de hâlâ zevci sâhib-i arzuhâl es-Seyyid Mehmed b. el-Hâc Mustafa nâm kimesne muvâcehesinde mezbûr es-Seyyid Mehmed yedi yüz guruş mehr-i mu‘accel ve beş yüz bir guruş mehr-i mu‘accel [mehr-i müeccel] tesmiyeleriyle zevc-i dâhilim olup lâkin mehr-i mu‘accel-i mezkûrumu henüz edâ ve îfâ etmemekle suâl olunup mehr-i mu‘accel-i mezkûr yedi yüz guruşu bana edâya tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i meşrûh üzere olduğunu ikrâr ü i‘tirâf etmeğin alâ-mûcibi ikrârihi mehr-i mu‘accel-i mezkûr yedi yüz guruşu zevcesi müdde‘iyye-i mezbûre Şerife Fâtımatüzzehrâ Hatun’a edâ ve teslîme mezbûr Mehmed’e tenbîh olunduğu huzûr[-ı âlîlerine i‘lâm olundu] Fî 10 Receb sene [12]55