Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 63 Hüküm no: 17 Orijinal metin no: [3a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tokatlı Ömer’in İsmail Ağa’ya olan borcunu ödemesi 1356 guruşdan rızâsıyla 38 guruş mütâlebesinden ibrâ mâ‘adâyı ilzâm Ma‘rûz Arpacı esnâfından İsmail Ağa b. Abdülkadir nâm kimesne İstanbul Bâb Mahkemesi’nde meclis-i şer‘de at hammalânı tâifesinden Tokadî Ömer b. Hüseyin nâm kimesne muvâcehesinde benim mezbûr Ömer zimmetinde târîh-i i‘lâmdan iki sene mukaddem mâlımdan ve yedimden iştirâ ve kabz eylediği ma‘lûmü’l-keyl ve’l-fiyat şa‘îr semeninden iki yüz elli altı guruş ve iki re’s bârgir semenlerinden bin yüz guruş ki cem‘an bin üç yüz elli altı guruş alacak hakkımın yüz otuz guruşunu merkūm Ömer li-ebeveyn er karındaşım Hasan yediyle nakden bana edâ ve altı yüz guruşna takāsan mâlından bir re’s bârgirini bana bey‘ u teslîm ben dahi yedinden iştirâ ve kabz ve ol vechile cem‘an yedi yüz otuz guruşunu istîfâ <> mâ‘adâ otuz sekiz guruş mütâlebesine müte‘allika da‘vâdan merkūm Ömer’in zimmetini kabûlü hâvî ibrâ ve iskāt etmemle bâkīsi olan beş yüz seksen sekiz guruşu mezbûr Ömer’den hâlâ taleb ederim deyü da‘vâ ettikde ol dahi cevâbında kaziyye minvâl-i meşrûh üzere olup meblağ-ı bâkī-i mezkûr beş yüz seksen sekiz guruş zimmetinde müdde‘î-i merkūm İsmail Ağa’ya sahîhan deyni olduğunu ikrâr ü i‘tirâf etmeğin alâ-mûcibi i‘tirâfihi meblağ-ı bâkī-i mezkûr beş yüz seksen sekiz guruşun müdde‘î-i mezbûr İsmail Ağa’ya edâsıyla merkūm Ömer ilzâm olunduğu mübâşirleri Bâb-ı Seraskerî kavaslarından Yaylalı Mehmed Kavas kulları yediyle huzûr[-ı âlîlerine i‘lâm olundu] Fî 10 Receb sene [12]55