Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 65 Hüküm no: 20 Orijinal metin no: [3b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Ağa’nın boşadığı hanımına mehr-i muaccelini ödemesi 501 [500] guruş mehr-i mu‘accel hükmü Ma‘rûz İstanbul’da Eğrikapı kurbünde Avcıbey mahallesinde sâkine mu‘arrefetü’z-zât Şerife Âişe bt. Mehmed nâm hatun İstanbul Bâb Mahkemesi’nde meclis-i şer‘de hâlâ zevci fes boyacı el-Hâc Mustafa Ağa b. Mehmed nâm kimesne muvâcehesinde ben bundan akdem nefsimi beş yüz guruş mehr-i mu‘accel ve beş yüz bir guruş mehr-i müeccel tesmiyeleriyle mezbûr el-Hâc Mustafa Ağa’ya tezvîc ve tenkîh eylediğimde ol dahi tezevvüc ve duhûl edip lâkin mehr-i mu‘accel-i mezkûrumu henüz bana edâ ve îfâ etmemekle suâl olunup mehr-i mu‘accel-i merkūm beş yüz guruşu bana edâya zevcim mezbûr el-Hâc Mustafa Ağa’ya tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i meşrûh üzere olduğunu bi-tamâmihi ikrâr ve i‘tirâf etmeğin mûcebince mehr-i mu‘accel-i mezkûr beş yüz guruşu zevcesi müdde‘iyye-i mezbûre Şerife Âişe Hatun’a edâya mezbûr el-Hâc Mustafa Ağa’ya tenbîh olunduğu huzûr[-ı âlîlerine i‘lâm olundu] Fî 9 Receb sene [12]55