Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 66 Hüküm no: 21 Orijinal metin no: [3b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Ayşe Hanım’ın boşandığı kocasından mehrini ve sair alacaklarını tahsil ettiği Tatlîk, mehreyni tamâmen edâ ve teslîm ve ibrâ Ma‘rûz İstanbul’da Balatkapısı dâhilinde el-Hâc İsa mahallesinde sâkine derûn-ı arzuhâlde mezkûretü’l-ism mu‘arrefetü’z-zât Şerife Âişe bt. Mustafa nâm hatun İstanbul Bâb Mahkemesi’nde meclis-i şer‘-i münîrde zevc-i mutallıkı tarakçı esnâfından sâhib-i arzuhâl Halil Ağa b. İbrahim nâm kimesne muvâcehesinde mezbûr Halil Ağa sekiz yüz guruş mehr-i mu‘accel ve altı yüz elli guruş mehr-i müeccel tesmiyeleriyle zevc-i dâhilim iken târîh-i i‘lâm günü beni tatlîk etmekle mezbûrun zimmetinde mehreyn-i mezkûreynim olan cem‘an bin dört yüz elli guruş ile nafaka-i iddet-i ma‘lûmem ve me’ûnet-i süknâm mukābelelerinde bi’t-terâzî beynimizde ta‘yîn olunan yüz seksen altı guruş ki min-haysü’l-mecmû‘ bin altı yüz otuz altı guruşu zevcim mezbûr işbu meclis-i şer‘de bana edâ ve teslîm ben dahi yedinden ahz u kabz edip hukūk-ı zevciyyete ve ibtidâ-i zevciyyetden işbu târîhe gelince sâir beynimizde cereyân eden cemî‘ hukūk-ı şer‘iyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri huzûr[-ı âlîlerine i‘lâm olundu] Fî 10 Receb sene [12]55