Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 67 Hüküm no: 23 Orijinal metin no: [3b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’in boşadığı hanımına olan mehir borcunu ödemesi Mehr-i mu‘accel hüküm Ma‘rûz İstanbul’da Salmatomruk kurbünde Kemankeş Karamustafapaşa mahallesinde sâkine <> mu‘arrefetü’z-zât Şerife Hafize bt. es-Seyyid Ali nâm hatun İstanbul Bâb Mahkemesi’nde meclis-i şer‘de hâlâ zevci es-Seyyid Mehmed b. Ahmed muvâcehesinde ben bundan akdem nefsimi sekiz yüz guruş mehr-i mu‘accel ve beş yüz bir guruş mehr-i <> müeccel tesmiyeleriyle mezbûr es-Seyyid Mehmed’e tezvîc ve tenkîh eylediğimde ol dahi tezevvüc ve duhûl edip lâkin mehr-i mu‘accel-i mezkûrumu henüz bana edâ ve îfâ etmemekle suâl olunup mehr-i mu‘accel-i mezkûr sekiz yüz guruşu bana edâya zevcim mezbûra tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i muharrer üzere olduğunu tâyi‘an ve kat‘iyyen ikrâr ü i‘tirâf etmeğin mûcebince mehr-i mu‘accel-i merkūm sekiz yüz guruşu müdde‘iyye-i mezbûre Şerife Hafize Hatun’a edâya mezbûr es-Seyyid Mehmed’e tenbîh olunduğu mübâşirleri Bâb-ı Seraskerî kavaslarından Bulgurlulu Mehmed Kavas kulları yediyle huzûr[-ı âlîlerine i‘lâm olundu] Fî 2 Receb sene [12]55