Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 68 Hüküm no: 25 Orijinal metin no: [4a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’in sefine reislerinden Mustafa Ağa ve Yakub’dan alacaklı olduğu yolundaki iddiasını ispatlayamadığı Bilâ-beyyine mu‘arazadan men‘ Ma‘rûz Anadolu’da Kastamonu sancağına tâbi‘ Ayandon kazâsı ahâlîsinden sâhib-i arzuhâl Kayıkçı Kanberoğlu Mehmed b. İbrahim nâm kimesne İstanbul Bâb Mahkemesi’nde meclis-i şer‘-i münîrde sefine reislerinden derûn-ı arzuhâlde isimleri mezkûr Mustafa Ağa b. Ali ve Yakub b. Mehmed nâm kimesneler muvâcehelerinde ben ücret ile hizmet eder makūleden olup mezbûrânın talebleriyle kazâ-i mezkûr iskelesine inşâ eyledikleri beş çifte ta‘bîr olunur sefine içün kazâ-i mezbûr cebelinden arabaya tahmîl ile iskele-i mezkûra iki ay müddet kereste getirmemle müddet-i mezkûremde müstehak olduğum ecr-i mislimi mezbûrândan hâlâ taleb ederim deyü ba‘de’d-da‘vâ ve’l-inkâr müdde‘î-i mezbûr Mehmed ber-vech-i muharrer müdde‘âsına ikāmet-i beyyine edemeyip bi’t-taleb mezbûrân Mustafa Ağa ve Yakub bi’l-muvâcehe ber-nehc-i şer‘î tahlîf olunmalarıyla mûcebince müdde‘î-i mezbûr Mehmed da‘vâ-yı mezkûresiyle merkūmân Mustafa ve Yakub[a] bilâ-beyyine mu‘ârazadan men‘ olunduğu huzûr[-ı âlîlerine i‘lâm olundu] Fî 6 Receb sene [12]55