Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 69 Hüküm no: 27 Orijinal metin no: [4a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zekiye Hanım’ın boşandığı kocasının evinde kıymetli eşyalarının kaldığı yolundaki iddiasını ispatlayamadığı Bilâ-beyyine mu‘ârazadan men‘ Ma‘rûz Mu‘arrefetü’z-zât Zekiye bt. el-Hâc Mehmed Salih nâm hatun İstanbul Bâb Mahkemesi’nde meclis-i şer‘-i münîrde mukaddemâ zevci Sarrâc Mehmed Ağa b. Ali nâm kimesne muvâcehesinde mezbûr Mehmed Ağa ile mukaddemâ zevciyyet beynimizde kāime iken İstanbul’da Küçükpazar kurbünde Hızırbey mahallesinde vâki‘ ma‘an sâkinler olduğumuz menzilde mevcûd mâlım olarak bi-gayri hakkın fuzûlî ahz ve yedinde alıkoduğu mecmû‘u iki yüz elli guruş kıymetli beş çevre ve bir değirmi Fransızkârî şal ve bir yazma seccâde ve bir çift fular mevcûde ise aynlarını değil ise ba‘de’s-sübût kıymet-i mezkûresini merkūm Mehmed Ağa’dan tazmîn taleb ederim deyü ba‘de’d-da‘vâ ve’l-inkâr müdde‘iyye-i mezbûre ber-vech-i muharrer müdde‘âsına ikāmet-i beyyine edemeyip bi’t-taleb merkūm Mehmed Ağa bi’l-muvâcehe ber-nehc-i şer‘î tahlîf olunmağın mûcebince müdde‘iyye-i mezbûre Zekiye Hatun da‘vâ-yı mezkûresiyle merkūm Mehmed Ağa’ya bilâ-beyyine mu‘ârazadan men‘ olunduğu mübâşirleri Bâb-ı Seraskerî kavaslarından Köşklü Mehmed Kavas kulları yediyle huzûr[-ı âlîlerine i‘lâm olundu] Fî 8 Receb sene [12]55