Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 69 Hüküm no: 28 Orijinal metin no: [4a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayserili Karabet’in Hurdacı Kabril’deki alacağını tahsil ettiği İbrâ Fî 26 Şevvâl sene [12]56 Ma‘rûz İstanbul’da Vâlidehanı’nda mütemekkin Kayserili Karabet v. Haçador nâm zimmî İstanbul Bâb Mahkemesi’nde meclis-i şer‘-i hatîrde Kayserili Hurdacı Kabril v. Esail nâm zimmî muvâcehesinde benim mersûm Kabril zimmî zimmetinde işbu târîhden on bir sene mukaddem mâlımdan ve yedimden iktirâz ve kabz eylediği altı yüz guruş alacak hakkımı mersûm Kabril zimmî bu def‘a bana def‘ ü teslîm ben dahi yedinden ahz u kabz etmemle min-ba‘d meblağ-ı mezkûrdan zimmî-i mersûmun yed ü zimmetinde bir akçe ve bir habbe hakkım ve alacağım kalmamağla bi’l-cümle husûs-ı mezkûra ve işbu târîh-i i‘lâma gelince sâir beynimizde cereyân eden cemî‘ ahz ü i‘tâ ve mu‘âmelât-ı şettâ ve hukūk-ı ma‘lûme ve mechûleye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri huzûr[-ı âlîlerine i‘lâm olundu] Fî 18 Receb sene [12]55