Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 70 Hüküm no: 29 Orijinal metin no: [4a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Komşularını rahatsız eden Eleniko ve akrabalarının bulundukları mahalleden çıkarılmaları Mahalleden ihrâc Ma‘rûz İstanbul’da Kesmekaya kurbünde Hamâmî Muhyiddin mahallesi İmâmı Ali Efendi b. Hüseyin ve Muhtar-ı evveli el-Hâc Mustafa Ağa b. Abdullah ve Yazıcımahallesi Muhtar-ı evveli Yahya Ağa ve ahâlîsinden Ahmed Ağa ve re‘âyâsından Vasil v. Lazeko ve Foti v. Dimitri ve Panayot v. Yorgi ve Hıristo v. Yorgi [ve] diğer Panayot v. Nikola ve Vasil v. Yorgi zimmîler ve sâirleri İstanbul Bâb Mahkemesi’nde meclis-i şer‘-i hatîrde mahalle-i mezbûr mütemekkinlerinden şahısları mu‘arrefe Eleniko bt. Yuvan ve kebîre kızı Mariyora bt. Yorgi nâm Nasrâniyeler muvâcehelerinde mersûmetândan mersûme Eleniko Nasrâniye ve zevci gāib-i ani’l-meclis Yorgi v. Yuvan zimmî ve mersûme Mariyora Nasrâniye ve zevci kezâlik gāib ani’l-meclis Petr[o] v. Nikola zimmî mahallemiz mütemekkinlerinden olup lâkin kendi hâllerinde ırz ve edebleriyle mukayyedler olmayıp bed-zebân ve hadîdü’l-lisân olduklarından mâ‘adâ târîh-i i‘lâmdan bir gün mukaddem nehâren alâmet-i fıskla basılıp bâb-ı seraskerîye irsâl olunmalarıyla ol vechile mezbûrûndan bir türlü emn ü rahatımız yoktur deyü sû-i hâllerinden bahisle iştikâ ve mahalle-i mezbûreden hurûclarını iltimâs eyledikleri Bâb-ı Seraskerî kavaslarından Salmatomruklu Ali Kavas kulları yediyle huzûr[-ı âlîlerine i‘lâm olundu] Fî 16 Receb sene [12]55