Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 72 Hüküm no: 32 Orijinal metin no: [4b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Parsih’in Ananya’daki alacağından vazgeçtiği Ücretten ibrâ Ma‘rûz Arzuhâl eden Parsih v. Karabet İstanbul Bâb Mahkemesi’nde meclis-i şer‘-i hatîrde sıvacı tâifesinden derûn-ı arzuhâlde ismi mastûr Ananya v. Abraham nâm zimmî muvâcehesinde mesfûr Ananya zimmî bin iki yüz elli senesi hilâlinde li-ecli’t-ticâre mahrûse-i Edirne’ye gider oldukda mersûm ile beher şehr yüz yetmiş beş guruş ücret mukāvelesiyle sene-i merkūme Muharremi’l-harâmı gurresinden elli bir senesi Saferi’l-hayrı gāyetine gelince esnâ-i râhda ve gerek mahrûse-i mezbûrede mersûm Ananya zimmîye on iki ay hizmet ve ba‘dehu mufârakat etmemle müddet-i mezkûrede ecr-i müsemmâmdan mersûmun zimmetinde müctemi‘ alacak hakkım olan iki bin yüz guruşu mesfûr Ananya zimmîden hâlâ taleb ederim deyü tasaddî eylediğim da‘vâmdan rızâmla meccânen fâriğ olup bi’l-cümle husûs-ı mezkûra ve işbu târîh-i i‘lâma gelince sâir hukūk-ı şer‘iyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri tescîl ve huzûr-ı âlîlerine i‘lâm olundu. Fî 14 Receb sene [12]55