Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 72 Hüküm no: 33 Orijinal metin no: [4b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tülbentçi Karabet’in Tüccar İstirati’ye olan borcunu ödemesi [3]915 guruşa hüküm Ma‘rûz İstanbul’da Vâlidehanı’nda mütemekkin tüccârdan İstirati v. Mike nâm müstemen İstanbul Bâb Mahkemesi’nde meclis-i şer‘-i hatîrde Tülbendçi Karabet v. Evanis nâm zimmî muvâcehesinde mersûm Karabet zimmî zimmetinde işbu târîhden bir buçuk sene mukaddem mâlımdan ve yedimden iştirâ ve kabz eylediği top ve fiyatı beynimizde ma‘lûm tülbend ve basma semenlerinden ba‘de külli’l-hesâb gayr-ı ez-teslîmât sahhu’l-bâkī üç bin dokuz yüz guruş alacak hakkım olmağla meblağ-ı mezbûru zimmî-i mersûmdan hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı bâkī-i mezkûr üç bin dokuz yüz on beş guruşun müdde‘î-i mersûm İstirati nâm müstemene edâ ve teslîmiyle mersûm Karabet zimmî ilzâm olunduğu huzûr[-ı âlîlerine i‘lâm olundu] Fî 14 Receb sene [12]55