Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 74 Hüküm no: 37 Orijinal metin no: [5a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani’nin Keresteci Yorgi ve ortağı Kosti’ye olan borçlarını ödemesi 940 guruşa hüküm Ma‘rûz Keresteci tâifesinden Yorgi v. Yakof ve şerîki Kosti v. Mihal nâm zimmîler İstanbul Bâb Mahkemesi’nde meclis-i şer‘-i hatîrde Yani v. Panayot zimmî muvâcehesinde mersûm Yani zimmî zimmetinde iki ay mukaddem mâl-ı müşterekemizden iştirâ ve kabz eylediği ma‘lûmü’l-ecnâs ve’l-fiyat kereste semeninden ba‘de külli’l-hesâb gayr-ı ez-teslîmât sahhu’l-bâkī dokuz yüz kırk guruş alacak hakkım olmağla meblağ-ı mezkûru zimmî-i mersûmdan hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr dokuz yüz kırk guruşun müdde‘iyân-ı şerîkân-ı mersûmâna edâ ve teslîmiyle mersûm Yani zimmî ilzâm olunduğu mübâşirleri Bâb-ı Seraskerî kavaslarından Edirnekapılı Emrullah Kavas kulları yediyle huzûr[-ı âlîlerine i‘lâm olundu] Fî 16 Receb sene [12]55