Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 79 Hüküm no: 47 Orijinal metin no: [6a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Poliçeci Ahmed Ağa’nın Marado zimmîden alacaklı olduğu yolundaki iddiasını ispatlayamadığı Poliçe tarîkiyle havâleden men‘ Ma‘rûz Anadolu’da Karahisar-ı sahib kazâsı ahâlîsinden Poliçeci es-Seyyid Ahmed Ağa b. es-Seyyid Mehmed İstanbul [Bâb] Mahkemesi’nde meclis-i şer‘-i münîrde kazâ-i mezbûr re‘âyâsından David zimmî muvâcehesinde mesfûrun babası olup kazâ-i mezbûrda mütemekkin Martar v. Hazar v. Atam zimmî zimmetinde cihet-i karzdan yüz yetmiş guruş alacak hakkım olup gāib-i mersûm Markar zimmî kırk gün mukaddem deyni olan meblağ-ı mezkûr ile beni oğlu işbu mersûm Murado zimmî üzerine bâ-poliçe kabûlüne mevkūfe havâle eylediğinde ben dahi havâle-i mezkûreyi Murado zimmîye ifâde ve i‘lân ve yedime i‘tâ eylediği bir kıt‘a temessüğü irâe eylediğimde ol dahi ber-vech-i muharrer havâle-i mezkûreyi kabûl etmekle meblağ-ı muhâlün-bih-i mezkûru mersûm Murado zimmîden hâlâ taleb ederim deyü da‘vâ ettikde ol dahi cevâbında külliyen inkâr etmekle müdde‘î-i merkūm ber-vech-i muharrer müdde‘âsına ikāmet-i beyyine edemeyip bi’t-taleb mersûm Murado zimmîye bi’l-muvâcehe vech-i şer‘î üzere yemîn verilmeğin mûcebince müdde‘î-i merkūm es-Seyyid Ahmed Ağa da‘vâ-yı mezkûresiyle mesfûr Murado zimmîye bilâ-beyyine mu‘ârazadan men‘ olunduğu huzûr[-ı âlîlerine i‘lâm olundu] Fî 20 Receb sene [12]55