Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 82 Hüküm no: 53 Orijinal metin no: [6b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Keresteci Manol’un borcunu ödemesi 2000 guruşa hüküm Ma‘rûz Tersâne-i âmire çavuşlarından Mustafa Ağa b. Mahmud İstanbul Bâb Mahkemesi’nde meclis-i şer‘-i münîrde Keresteci Manol v. Lefter nâm zimmî muvâcehesinde mersûmun zimmetinde târîh-i i‘lâmdan dört ay mukaddem mâlımdan ve yedimden iktirâz ve kabz ve umûruna sarfla istihlâk eylediği bin beş yüz elli guruş ve Ayazmakapısı hâricinde iskele başında bir bâb keresteci dükkânı icâresinden müddet-i ma‘lûmede müctemi‘ dört yüz elli guruş ki cem‘an iki bin guruş alacak hakkım olup hattâ meblağ-ı mecmû‘-ı merkūm zimmetinde bana deyni olduğunu mesfûr Manol zimmî ikrâr ve yedime bir kıt‘a temessük dahi i‘tâ etmekle meblağ-ı mezkûr iki bin guruşu zimmî-i mersûmdan hâlâ taleb ederim deyü da‘vâ ettikde ol dahi cevâbında kaziyye minvâl-i meşrûh üzere olduğunu ikrâr u i‘tirâf etmeğin alâ-mûcibi i‘tirâfihi meblağ-ı mezkûr iki bin guruşun müdde‘î-i merkūm Mustafa Ağa’ya edâ ve teslîmiyle mersûm Manol zimmî ilzâm olunduğu bi’l-iltimâs huzûr[-ı âlîlerine i‘lâm olundu] Fî 20 Receb sene [12]55