Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 83 Hüküm no: 54 Orijinal metin no: [6b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vanlı Oseb’in borcunu ödemesi 1100 guruşa hüküm Ma‘rûz Bâ‘isü’l-i‘lâm tüccârdan el-Hâc Hüseyin Ağa b. el-Hâc Mehmed nâm kimesne İstanbul Bâb Mahkemesi’nde meclis-i şer‘-i münîrde Vanlı Oseb v. Artin nâm zimmî muvâcehesinde mersûmun zimmetinde târîh-i i‘lâmdan dört sene mukaddem mâlımdan ve yedimden iştirâ ve kabz eylediği penbe semeninden bâ-temessük bin yüz elli guruşdan bâkī bin yüz guruş alacak hakkım olmağla meblağ-ı bâkī-i mezkûru zimmî-i mersûmdan hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr bin yüz guruşun müdde‘î-i mezbûr el-Hâc Hüseyin Ağa’ya edâ ve teslîmiyle mesfûr Oseb zimmî ilzâm olunduğu mübâşirleri Bâb-ı Seraskerî kavaslarından Taşabâdî Veliyyüddin Kavas kulları yediyle huzûr[-ı âlîlerine i‘lâm olundu] Fî 22 Receb sene [12]55