Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 83 Hüküm no: 55 Orijinal metin no: [6b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Sadık Ağa’nın borcunu ödemesi 1500 guruş da‘vâ ol dahi ribâdır deyü def‘i cevâb-ı şer‘î olmamağla mûcebiyle hüküm Ma‘rûz Sarrâf tâifesinden arzuhâl eden Lambik v. Bağdisar nâm zimmî İstanbul Bâb Mahkemesi’nde meclis-i şer‘-i münîrde derûn-ı arzuhâlde ismi mezkûr Mehmed Sadık Ağa b. el-Hâc Mehmed nâm kimesne muvâcehesinde işbu sene-i mübâreke Cumâdelâhiri’nin yirminci günü mezbûr Mehmed Sadık Ağa’ya mâlımdan bin beş yüz guruş ikrâz ve teslîm eylediğimde ol dahi yedimden iktirâz ve kabz ve umûruna sarfla istihlâk eyledikden sonra meblağ-ı mezkûr zimmetinde bana deyni olduğunu ikrâr ve târîh-i mezkûr ile müverrah işbu meclis-i şer‘de ibrâz ve kırâat olunan bir kıt‘a temessüğü dahi yedime i‘tâ etmişidi el-hâletü hâzihî meblağ-ı mezkûru mezbûr Mehmed Sadık Ağa’dan hâlâ taleb ederim deyü da‘vâ ettikde ol dahi cevâbında meblağ-ı mezkûr bin beş yüz guruş cihet-i karzdan müdde‘î-i mesfûra deyni olmak üzere i‘tirâf edip zikr olunan temessüğü dahi zimmî-i mersûma i‘tâ eylediğini ikrâr lâkin benim müdde‘î-i mersûma hakīkatden deynim olmayıp mukaddemâ beynimizde cârî ahz [ü] i‘tâ içün bilâ-devr üzerime tahmîl olunan ribhi olmağla ol vechile meblağ-ı mezkûrun mecmû‘u ribâdır deyü eylediği takrîrini def‘e sâlih cevâb-ı şer‘î olmamağla alâ-mûcibi ikrârihi meblağ-ı mezkûr bin beş yüz guruşu müdde‘î-i mesfûr Lambik zimmîye edâ ve teslîme merkūm Mehmed Sadık Ağa’ya tenbîh olunduğu huzûr[-ı âlîlerine i‘lâm olundu] Fî 18 Receb sene [12]55