Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 84 Hüküm no: 57 Orijinal metin no: [7a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haçador’un borcunu ödemesi 270 guruş nân-ı azîz semeninden hüküm Ma‘rûz Ekmekçi tablakârı Mehmed Salih b. Osman nâm kimesne İstanbul Bâb Mahkemesi’nde meclis-i şer‘de Haçador v. Avadik nâm zimmî muvâcehesinde sene-i sâbıkā Şevvâli’l-mükerremi gurresinden mersûm Haçador zimmî bana dokuz ay tamâmına dek zevcem hâzıra bi’l-meclis Gabet [bt.] Danil Nasrâniyeye günde onar aded nân-ı azîz ver ba‘dehu kıymetini sana vereyim deyü emretmekle ben dahi ol kadar ay tamâmına dek hâzıra-i mersûmeye günde ol kadar aded nân-ı azîz bey‘ etmemle kıymeti olan iki yüz yetmiş guruşu emr-i mezkûruna binâen mersûm Haçador zimmîden hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr iki yüz yetmiş guruşun müdde‘î-i merkūm Mehmed Salih’e edâsıyla mersûm Haçador zimmî ilzâm olunduğu huzûr[-ı âlîlerine i‘lâm olundu] Fî 22 Receb sene [12]55