Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 85 Hüküm no: 58 Orijinal metin no: [7a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mellah Hasan’ın İbrahim aleyhine açtığı alacak davasına itibar edilmediği Bi-vech-i şer‘î mu‘ârazadan men‘ Ma‘rûz Mellâh tâifesinden Hasan b. Mehmed nâm kimesne İstanbul Bâb Mahkemesi’nde meclis-i şer‘-i münîrde İbrahim b. Mehmed nâm kimesne muvâcehesinde merkūm İbrahim târîh-i i‘lâmdan yirmi bir gün mukaddem Ahiçelebi Mahkemesi’nde huzûr-ı hâkimü’ş-şer‘de ihzâr birle mukaddemâ seninle ma‘an râkib olduğumuz sefinenin kamarasında sandığımın derûnunda mevdû‘ yüz on iki guruşumu hufyeten ahz u kabz etmenle meblağ-ı mezkûru damânen taleb ederim deyü benden da‘vâ ben dahi ber-vech-i muharrer müdde‘âsını ikrâr ü i‘tirâf ve mûcebince ba‘de’l-hükm meblağ-ı mezkûr benden tahsîl, merkūm İbrahim’e teslîm olunmuşidi el-hâletü hâzihî ben merkūm İbrahim’in ber-vech-i muharrer müdde‘âsını ikrâr eylediğime nâdim ve peşîmân olmamla öyle olacak meblağ-ı mezkûru merkūm İbrahim’den istirdâd ederim deyü tasaddî eylediği da‘vâsı meşrû‘a ve iltifâta şâyân olmadığı merkūm Hasan’a tefhîm ve da‘vâ-yı mezkûresiyle mezbûr İbrahim’e bî-vech-i şer‘î mu‘arazadan men‘ olunduğu huzûr[-ı âlîlerine i‘lâm olundu] Fî 23 Receb sene [12]55