Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 85 Hüküm no: 59 Orijinal metin no: [7a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Marat’ın borcunu ödemesi 477,5 guruşa hüküm Ma‘rûz Bakkāl tâifesinden Yorgi v. Anaştaş nâm zimmî İstanbul Bâb Mahkemesi’nde meclis-i şer‘-i hatîrde mukaddemâ destgâhdârı Marat v. Karagöz nâm zimmî muvâcehesinde benim mersûm Marat zimmî zimmetinde cihet-i karzdan yedi yüz yetmiş yedi buçuk guruş ve âhara bey‘ eylediği erzâk-ı mütenevvi‘a-i ma‘lûme semeninden emrimle makbûzu olup umûruna sarfla istihlâk eylediği yüz elli guruş ki cem‘an dokuz yirmi yedi buçuk guruş alacak hakkım olmağla meblağ-ı mezkûrun dört yüz elli guruşunu zimmî-i mersûma zimmetimde bakkāllık ücretinden deynim olan dört yüz elli guruşa mukaddemâ bi’t-terâzî takās ve mahsûb etmemizle bâkīsi olan dört yüz yetmiş yedi buçuk guruşu mersûm Marat zimmîden hâlâ taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsını her biri lede’t-tezkiye makbûlü’ş-şehâde idikleri ihbâr olunan Nikola v. Ananoşti ve Kostandi v. Tanaş nâm zimmîler şehâdetleriyle bi’l-muvâcehe vech-i şer‘î üzere isbât etmeğin mûcebince meblağ-ı mezkûr dört yüz yetmiş yedi buçuk guruşu müdde‘î-i mersûm Yorgi zimmîye edâya mersûm Marat zimmîye tenbîh olunduğu mübâşirleri Bâb-ı Seraskerî kavaslarından Simkeş Süleyman Kavas kulları yediyle huzûr[-ı âlîlerine i‘lâm olundu] Fî 25 Receb sene [12]55