Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 86 Hüküm no: 60 Orijinal metin no: [7a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Premedili Vasil’in açtığı alacak davasında haksız bulunduğu Bi-vech kefâletden men‘ Ma‘rûz Peynirci tâifesinden Premedili Vasil v. Mitro nâm zimmî İstanbul Bâb Mahkemesi’nde meclis-i şer‘-i münîrde Anaştaş v. İstefan nâm zimmî muvâcehesinde mersûm Anaştaş zimmînin babası gāib ani’l-beled mersûm İstefan zimmînin gāib ani’l-meclis Angeli zimmîye zimmetinde deyni olan bin guruşa ben bundan akdem tarafeynden bi’l-emr ve’l-kabûl kefâlet-i sahîha ile kefîl ve dâmin olmuşidim el-hâletü hâzihî gāib-i mersûm Angeli zimmî meblağ-ı mezkûr bin guruşu kefâlet-i mezkûreme binâen benden mutâlebe ve ahz murâd edip mücerred mesfûr Anaştaş zimmî gāib-i asıl-ı mersûm İstefan zimmînin oğlu olmağla öyle olacak meblağ-ı mezkûr bin guruşu mâlımdan gāib-i mesfûr Angeli zimmîye vermek içün bana teslîme mesfûr İstefan zimmîye cebr olunsun deyü takrîr-i meşrûhu üzere tasaddî eylediği da‘vâsı meşrû‘a ve iltifâta şâyân olmadığı müdde‘î-i mersûm Vasil zimmîye tefhîm ve da‘vâ-yı mezkûresiyle mersûm Anaştaş zimmîye bî-vech-i şer‘î mu‘ârazadan men‘ olunduğu huzûr[-ı âlîlerine i‘lâm olundu] Fî 14 Receb sene [12]55