Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 86 Hüküm no: 61 Orijinal metin no: [7b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Komşularını rahatsız eden Emine Hanım ile oğlu Mehmed’in bulundukları mahalleden çıkarılmaları Mahalleden ihrâc Ma‘rûz İstanbul’da Kapan-ı dakīk kurbünde Hızırbey mahallesi İmâmı Hafız İbrahim Edhem Efendi b. Hafız Mustafa ve muhtâr-ı evveli Osman Efendi ve muhtâr-ı sânî Mustafa ve Odunkapılı Mehmed Ağa ve Hammâmî Abdi Ağa ve Kutucu Süleyman Ağa ve Suyolcu Mehmed Ağa ve Kahveci Mustafa nâm kimesneler ve sâirleri İstanbul Bâb Mahkemesi’nde meclis-i şer‘-i münîrde mahalle-i mezbûre sâkinelerinden mu‘arrefetü’z-zât Emine bt. Abdullah nâm hatun ile sadrî kebîr oğlu Mehmed nâm kimesne muvâcehelerinde mezbûrân mahallemiz sâkinlerinden olup lâkin kendi hâllerinde ırz ve edebleriyle mukayyedler olmayıp bed-zebân ve hadîdü’l-lisân olmalarıyla bi’d-defe‘ât kendilere nush u pend olundukda aslâ mütenassıhlar olmayıp ızrârlarından ısrâr üzere olmalarıyla ol vechile mezbûrânın bu gûna harekât-ı nâ-marziyelerinden bir türlü emn ü rahatımız meslûb olmuşdur deyü sû-i hâllerinden bahisle iştikâ ve mahalle-i mezbûreden hurûclarını iltimâs eyledikleri huzûr[-ı âlîlerine i‘lâm olundu] Fî 27 Receb sene [12]55