Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 87 Hüküm no: 63 Orijinal metin no: [7b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gönüllü olarak alacaktan vazgeçme Dört yüz guruşdan meccânen ibrâ Ma‘rûz Derûn-ı arzuhâlde ismi mastûr Hırsiyo v. Kriho nâm zimmî İstanbul Bâb Mahkemesi’nde meclis-i şer‘-i hatîrde sâhib-i arzuhâl suyolcu tâifesinden Vasil v. Yani nâm zimmî muvâcehesinde mersûm Vasil zimmî zimmetinde târîh-i i‘lâmdan iki sene mukaddem mâlımdan ve yedimden iştirâ ve kabz eylediği bir re’s kır bârgir semeninden dört yüz guruş alacak hakkım olmağla meblağ-ı mezkûru mersûm Vasil zimmîden hâlâ taleb ederim deyü tasaddî eylediğim da‘vâmdan rızâmla meccânen fâriğ olmamla bi’l-cümle husûs-ı mezkûra müte‘allika da‘vâdan mersûm Vasil zimmînin zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledim deyü ikrâr ve tasdîkleri bi’l-iltimâs huzûr[-ı âlîlerine i‘lâm olundu] Fî 25 Receb sene [12]55