Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 97 Hüküm no: 71 Orijinal metin no: [17a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Niksar’daki Sunkuriye Zaviyesi Vakfı cüzhanlık cihetinin nısfının Seyyid Abdullah b. Abdülvahhab’a tevcihine dair eksik kayıt Ma‘rûz, Sâdır olan fermân-ı âlîlerine imtisâlen işbu arz ve derkenâra nazar olundukda vilâyet-i Anadolu’da Niksar’da Sunkuriye Zâviyesi Vakfı’ndan almak üzere senede iki müd hınta vazîfe ile Düşenbe ve Pençşenbe günlerinde nısf eczâhanlık cihetine mutasarrıf olan es-Seyyid Abdülvahhab fevt olup yeri hâlî ve hizmet-i lâzımesi mu‘attal kaldığından bahisle müteveffâ-yı merkūmun kebîr oğlu es-Seyyid Hüseyin dâ‘îleri derûn-ı arz-ı mezbûrda karındaşı es-Seyyid Abdullah b. Abdülvahhab dâ‘îlerine gadr ederek kendüye tevcîh ettirdiğini kazâ-i mezbûr nâibi es-Seyyid Şeyh Mehmed Efendi dâ‘îleri mührü mutâbık arz ve inhâ etmeğin fi’l-hakīka cihet-i mezkûr müteveffâ-yı merkūm es-Seyyid Abdülvahhab’ın kebîr oğlu es-Seyyid Hüseyin’in üzerinde olduğu derkenârdan müstebân ve merkūm es-Seyyid Hüseyin’in karındaşı Abdullah müteveffâ-yı merkūmun oğlu olduğunu ve mazmûn-ı arzı tasdîk edenler kazâ-i mezbûr ahâlîsinden Der-aliyye’de müsâfireten sâkinler Yüzbaşıoğlu Mustafa b. Mehmed ve Abdullah b. Ali nâm kimesnelerin alâ-tarîkı’ş-şehâde ihbârlarıyla zâhir ve mütehakkık olmağın bu sûretde cihet-i mezkûrenin nısfı ber-mûceb-i arz müteveffâ-yı mezbûr pederi mahlûlünden karındaşı (...)