Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 94 Hüküm no: 78 Orijinal metin no: [9a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haffaf Mehmed’in boşadığı hanımına mehrini ödemesi Yüz guruş mütâlebesine müte‘allika da‘vâdan ibrâ Ma‘rûz İstanbul’da Ayvansaray kurbünde Toklu İbrahimdede mahallesinde sâkine mu‘arrefetü’z-zât Şerife Fâtıma bt. es-Seyyid Mehmed nâm hatun İstanbul Bâb Mahkemesi’nde meclis-i şer‘de zevc-i mutallıkı Haffâf el-Hâc Mehmed b. el-Hâc Ali nâm kimesne muvâcehesinde mezbûr el-Hâc Mehmed yüz guruş mehr-i müeccel tesmiyesiyle zevc-i dâhilim iken târîh-i i‘lâmdan yirmi iki ay mukaddem beni tatlîk etmekle mezbûrun zimmetinde mehr-i müeccel-i mezkûrum olan yüz guruşu bana edâya zevcim mezbûr es-Seyyid Mehmed’e tenbîh olunmak matlûbumdur deyü da‘vâ ettikde ol dahi cevâbında müdde‘iyye-i mezbûre Şerife Fâtıma Hatun yüz guruş mehr-i müeccel tesmiyesiyle zevce-i menkûha-i medhûlün-bihâsı olduğunu ikrâr ber-vech-i muharrer tatlîkini inkâr etmekle müdde‘iyye-i mezbûre ber-vech-i muharrer müdde‘âsını adl ve makbûlü’ş-şehâde idikleri ihbâr olunan Kahveci Ahmed Ağa b. Halil ve Aziz Mahmud Ağa b. Ali nâm kimesneler şehâdetleriyle bi’l-muvâcehe <> vech-i şer‘î üzere isbât etmeğin mûcebince mehr-i müeccel-i mezkûr yüz guruşu müdde‘iyye-i mezbûre Şerife Fâtıma Hatun’a edâya ba‘de’l-hükm ve’t-tenbîh mezbûre Şerife Fâtıma Hatun meblağ-ı mahkûmün-bih-i mezkûr yüz guruş mütâlebesine müte‘allika da‘vâdan merkūm el-Hâc Ahmed’in zimmetini kabûlü hâvî ibrâ ve iskāt eylediği tescîl ve huzûr[-ı âlîlerine i‘lâm olundu] Fî 24 Receb sene [12]55