Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 95 Hüküm no: 79 Orijinal metin no: [9a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saka Ahmed b. Hüseyin’in Saka Ahmed b. İbrahim’deki alacakları konusunda anlaşmaya vardığı 800 guruşdan 60 guruşa sulh Ma‘rûz Saka Ahmed b. Hüseyin İstanbul Bâb Mahkemesi’nde meclis-i şer‘-i enverde diğer Saka Ahmed b. İbrahim nâm kimesne muvâcehesinde İstanbul’da İshakpaşa mahallesi ahâlîsinden ma‘lûmü’l-esâmî kimesneler zimmetlerinde ücretimden alacak hakkım olan sekiz yüz guruşu merkūm diğer Ahmed mahallerinden emr ü tev<>kîlimle ahz u kabz edip bana vermeyip bi-gayri hakkın kendi umûruna sarfla istihlâk etmekle meblağ-ı mezkûru merkūm diğer Ahmed’den hâlâ tazmîn taleb ederim deyü tasaddî eylediğim da‘vâmdan bâ-tavassut-ı muslihîn merkūm ile kat‘an-li’n-nizâ‘ altmış guruş bedel-i makbûza ba‘de-akdi’l-musâlaha ve’l-kabûl ziyâde müdde‘âma ve bi’l-cümle husûs-ı mezkûra müte‘allika âmme-i de‘âvîden tarafeynden her birimiz âharın zimmetini kabûlü hâvî ibrâ-i âm ile ibrâ ve iskāt eyledik deyü ikrâr ve tasdîkleri mübâşirleri Bâb-ı âlî kavaslarından Ahıskalı Ahmed Kavas kulları yediyle huzûr[-ı âlîlerine i‘lâm olundu] Fî 28 Receb sene [12]55