Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 103 Hüküm no: 94 Orijinal metin no: [10b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Selime’nin Mehmed’de alacağı olduğu Ma‘rûz İstanbul’da Musalla kurbünde Şeyh Ferhad mahallesinde sâkine mu‘arrefetü’z-zât Selime bt. Feyzullah nâm hatun İstanbul Bâb Mahkemesi’nde meclis-i şer‘-i münîrde Mehmed b. Mustafa nâm kimesne muvâcehesinde mezbûrun zimmetinde işbu târîh-i i‘lâmdan iki sene mukaddem mâlımdan ve yedimden iktirâz ve kabz ve umûruna sarfla istihlâk eylediği yüz elli guruş alacak hakkım olmağla meblağ-ı mezkûru merkūm Mehmed’den hâlâ taleb ederim deyü ba‘de’d-da‘vâ ettikde ol dahi cevâbında ber-vech-i muharrer ikrâr ü i‘tirâf etmeğin alâ-mûcibi i‘tirâfihi [11a] meblağ-ı mezkûr yüz elli guruşun müdde‘iyye-i mezbûre Selime Hatun’a edâsıyla merkūm Mehmed ilzâm olunduğu mübâşirleri Bâb-ı Seraskerî kavaslarından Emin Kavas kulları yediyle huzûr[-ı âlîlerine i‘lâm olundu] Fî 4 Şa‘bân sene [12]55