Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 104 Hüküm no: 95 Orijinal metin no: [11a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Ahmed’in at satışından olan alacağında Mehmed ile sulh olduğu 1600 guruş sulh, bedel-i sulhu ilzâm Ma‘rûz Midillici tâifesinden A‘mâ es-Seyyid Ahmed b. es-Seyyid İbrahim İstanbul Bâb Mahkemesi’nde meclis-i şer‘de Mehmed b. Mustafa nâm kimesne muvâcehesinde mezbûr Mehmed zimmetinde bundan akdem mâlımdan ve yedimden bi-safkatin vâhidetin iştirâ ve kabz eylediği iki re’s esb semenlerinden iki bin altmış guruşdan bâkī bin sekiz yüz guruş alacak hakkım olmağla meblağ-ı bâkī-i mezkûru merkūm Mehmed’den hâlâ taleb ederim deyü tasaddî eylediğim da‘vâmdan bâ-tavassut-ı muslihîn merkūm Mehmed ile kat‘an-li’n-nizâ‘ bin altı yüz guruş üzerine ba‘de-akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr bin altı yüz guruşun müdde‘î-i merkūm es-Seyyid Ahmed’e edâsıyla merkūm Mehmed ilzâm olunduğu tescîl ve bi’l-iltimâs huzûr[-ı âlîlerine i‘lâm olundu] Fî 29 Receb sene [12]55