Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 107 Hüküm no: 101 Orijinal metin no: [11b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid İsmail’in borcunu ödemesi 325 guruşa hüküm Ma‘rûz Sâhib-i arzuhâl es-Seyyid Ahmed b. es-Seyyid Hasan nâm kimesne İstanbul Bâb Mahkemesi’nde meclis-i şer‘de derûn-ı arzuhâlde mezkûrü’l-ism es-Seyyid İsmail b. Mehmed nâm kimesne muvâcehesinde mezbûr es-Seyyid İsmail zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği altı yüz elli guruşdan bâkī üç yüz yirmi beş guruş alacak hakkım olmağla meblağ-ı bâkī-i mezkûru mezbûr es-Seyyid İsmail’den hâlâ taleb ederim deyü ba‘de’d-da‘vâ mûcebince meblağ-ı bâkī-i mezkûr üç yüz yirmi beş guruşun müdde‘î-i merkūm es-Seyyid Ahmed’e edâsıyla mezbûr es-Seyyid İsmail ilzâm olunduğu huzûr[-ı âlîlerine i‘lâm olundu] Fî 8 Şa‘bân sene [12]55