Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 109 Hüküm no: 103 Orijinal metin no: [11b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cariye Ayşe’nin hamile bırakıldığı ve başkasına satılmaması gerektiği yolundaki davasına itibar edilmediği Câriyeyi vatî’ etdi deyü âhara bey‘ olunmam demesine adem-i iltifât Ma‘rûz Rıkkını mukırr u mu‘terife olup ber-vech-i âtî da‘vâya kıbel-i şer‘den me’zûne olan Zenciye Âişe bt. Abdullah İstanbul Bâb Mahkemesi’nde meclis-i şer‘de Halil Efendi b. Osman nâm kimesne muvâcehesinde ben Cezîre-i Kıbrıs’da sâkin asâkir-i mansûre sağ kol ağalarından Mehmed Ağa b. Abdullah’ın yedinde câriye-i memlûkesi olmamla mevlâm mezbûr <> Mehmed Ağa beni âhara bey‘ etmek içün mezbûr Halil Efendi’yi tarafeynden tevkîl birle beni gāib ani’l-meclis Ahmed Çavuş ile irsâl edip ancak gāib-i mezbûr [12a] Ahmed Çavuş mevlâm mezbûrun izni yoğiken esnâ-i râhda râkib olduğumuz sefinede beni vaty ve vatyinden nâşî dört aylık hamlim olup mezbûr Halil Efendi bu esnâda beni bi’l-vekâle âhara bey‘ murâd etmekle mücerred gāib-i mezbûr Ahmed Çavuş’un vatyinden nâşî hamlim olduğuna binâen mevlâm mezbûrun ümm-i veledi olmamla öyle olacak beni âhara bey‘ etmemek üzere vekîl-i mezbûr Halil Efendi’ye cebr olunsun deyü takrîr-i meşrûhu üzere tasaddî eylediği da‘vâsı meşrû‘a ve iltifâta şâyân olmadığı mezbûr[e] Âişe’ye ba‘de’t-tefhîm ke’l-evvel rıkkıyyet üzere itâ‘ate câriye-i mezbûre Âişe’ye tenbîh olunduğu huzûr[-ı âlîlerine i‘lâm olundu] Fî 6 Şa‘bân sene 1255